МІКАШЭВІЦКІ ГАРВЫКАНКАМ АДМОВІЎ БНП Ў ПРАВЯДЗЕННІ ПЕРШАМАЙСКАГА МІТЫНГУ

У афіцыйным адказе органы мясцовай улады спасылаюцца на немагчымасць правядзення мітынгу на стадыёне РУВП «Граніт» у сувязі з правядзеннем ў гэты час і ў гэтым месцы гарадской спартакіяды сярод прадпрыемстваў, устаноў і арганізацый горада, прысвечанай Святу працы.

У Незалежным прафсаюзе нязгодны з такім адказам гарвыканкама і лічаць, што адмова абсалютна надуманая. Па меркаванню старшыні БНП Мікалая Зіміна адказ абсалютна не зразумелы і парушае правы і свабоды сябраў прафсаюзу:

- Нам не зразумела логіка адказу, чаму нас ня папярэдзілі? Як выносілася гэта рашэнне: калегіяльна або персанальна? Вельмі шмат пытанняў, якія мы зададзім чынавенству і абавязкова будзем абскарджваць гэтую адмову.

Акрамя мітынгу ў Мікашэвічах на 1 траўня запланавана “Маёўка” першаснай структурай БНП Незалежным прафсаюзам гарнякоў ААТ “Беларуськалій”, якая пройдзе у г. Салігорске, база адпачынку “Ціхая завадзь” пачатак а 10-й гадзіне.