Выказваем поўную падтрымку і салідарнасць з журналістамі і супрацоўнікамі канала “Белсат”

   Рада Беларускага Кангрэсу дэмакратычных прафсаюзаў абураная чарговай хваляй ўціску на журналістаў “Белсату” і выказвае поўную падтрымку і салідарнасць з журналістамі і супрацоўнікамі канала.
“Белсат” з’яўляецца ўнікальным СМІ ў Беларусі, журналісты штодня праяўляюць прынцыповасць і мужнасць ў асвятленні сапраўднай сітуацыі ў краіне.
Мы ўдзячныя “Белсату” за паслядоўнае асвятленне сітуацыі з правамі працоўных і незалежных прафсаюзаў ў Беларусі і плённае супрацоўніцтва з БКДП.
Упэўненыя, што толькі салідарнасць і падтрымка ўсіх здаровых сіл ў беларускім грамадстве дапаможа Беларусі вярнуцца на шлях цывілізаванага развіцця, павагі да правоў і свабодаў грамадзян.
Разам пераможам!